МЭДЭЭ: “БАРИЛГА-ОРОН СУУЦ 2020" үзэсгэлэн болно
Шинэ үеийн барилгын салбар үүсч хөгжсөний ойн баярыг жил бүр угтан зохион байгуулагддаг томоохон үйл ажиллагааны нэг бол “БАРИЛГА-ОРОН СУУЦ” үзэсгэлэн яармаг билээ. Тэгвэл энэ жилийн “БАРИЛГА-ОРОН СУУЦ" 2020 үзэсгэлэн 8-р сарын 21-23-ны өдрүүдэд “Мишээл” экспо төвд зохион байгуулагдахаар бэлтгэл ажил хийгдэж байна.
Үзэсгэлэн яармагт гадаад, дотоодын барилгын материал үйлдвэрлэгчид, ханган нийлүүлэгчид, барилга угсралтын гүйцэтгэгчид, хөрөнгө оруулагч, үл хөдлөх хөрөнгийн зуучлагчид зэрэг олон салбар хүрээний ААН-үүд оролцож компанийн бүтээгдэхүүн, үйлчилгээгээ олон нийтэд сурталчлан таниулах, бизнесийн хамтын ажиллагаагаа өргөжүүлэх боломж бүрддэг давуу талуудтай.
Мөн нийслэл хотод шинээр баригдаж буй тансаг зэрэглэлийн орон сууц, амины орон сууцнуудыг танилцуулах бөгөөд дотоодын барилгын салбарт нэвтэрч байгаа дэвшилтэт техник технологи, шинэ нэр төрлийн барилгын материал, тоног төхөөрөмжүүд дэлгэгдэн тавигдах болно.
Дэлгэрэнгүй мэдээллийг 77-113333, 70113333 утаснаас авах боломжтой