МЭДЛЭГ: Цахилгааны хэрэглээгээ хэмнэх энгийн аргууд

Дийлэнх гэр бүлийн хувьд цахилгааны төлбөр нь өрхийн төсвийн нэлээд хэсгийг бүрдүүлдэг. Цахилгаан эрчим хүчээ хэмнэх нь өөрсдийн санхүүгээ хэмнээд зогсохгүй дэлхийн дулаарлыг багасгах онцгой ач холбогдолтой тул уншигч та бүхэнд гэрийнхээ цахилгааныг хэмнэх хэд хэдэн аргыг танилцуулъя.

Дараах аргуудыг ашиглахаасаа өмнө хэрэглэж байгаа цахилгааны хэмжээг тодорхойлж, өнгөрсөн сарын болон жилийн цахилгааны төлбөрийг ойролцоогоор тооцоолоорой. Мөн сар бүр гарч байгаа цахилгааны төлбөрийн баримтаа хадгалах нь таныг хэр их хэмнэлт хийж байгаагаа харьцуулан харахад тань тус болно.

ГЭРЭЛТҮҮЛЭГ

Илүү байгалийн гэрэлтүүлэг ашиглах. Цонхоо тогтмол цэвэрлэж, өдөртөө хөшгөө нээлттэй байлга.

Долоо хоногт хэдхэн удаа гэрлийн оронд лаа ашигла. Хүүхдүүд үүнийг сэтгэл догдлон хүлээж авах бөгөөд цаг хугацаа өнгөрөхөд та мөнгөө ч хэмнэсэн байх болно.

Эрчим хүчинд хэмнэлттэй гэрлийн чийдэн ашиглах. Компакт флюресценц чийдэн (CFLs) буюу LED чийдэнгээр гэрлээ солиорой.

LED чийдэн нь CFL-ээс илүү үнэтэй боловч удаан хугацаанд ажиллах боломжтой бөгөөд мөнгөн ус агуулдаггүй. Өөрөөр хэлбэл, LED чийдэн нь CFL-ээс илүү хэмнэлттэй.

Өдөрт 6 цаг ажиллуулсан 100 ваттын гэрлийн чийдэн нь жилд 60 гаруй мянган төгрөгний зардал гаргадаг бол 40 ваттын гэрлийн чийдэнг авч ашигласнаар энэ нь ойролцоогоор 25 мянган төгрөг байх болно. Тиймээс худалдан авч байгаа чийдэнгийнхээ ваттыг харж аваарай.

ГАДНА ГЭРЭЛТҮҮЛЭГ 

Гадна гэрэлтүүлэгтээ хөдөлгөөн мэдрэгчтэй гэрэл хийх эсвэл нарны эрчим хүчээр ажилладаг гэрлүүдийг ашиглаарай.

ЦАХИЛГААН ХЭРЭГСЭЛ

Бүгдийг салга. Цахилгаан хэрэгслээ хэрэглээгүй үедээ залгуураар нь салгах ёстой гэдгийг та мэдэж байгаа. Залгуураар нь салгаж зуршил болгоорой.

Шаардлагагүй эд зүйлсийг ашиглахаас зайлсхийгээрэй. Тухайлбал, хувцас хатаагч ашиглахын оронд хувцсаа гадаа хатааж, аяга таваг угаагч машины оронд гараараа угаах, үс хатаагчийн оронд агаарт хатаах зэргээр хэмнэлт хийгээрэй. Мөн өдөр бүр тоос сорогч ашиглах нь маш их эрчим хүчийг зарцуулдаг гэдгийг санаарай.

Эрчим хүчний хэмнэлттэй цахилгаан хэрэгслээр солих. Цахилгаан өндөр зарцуулалттай бараа бүтээгдэхүүн ялангуяа хуучны бүтээгдэхүүнүүд нь эрчим хүчний зарцуулалт өндөр байдаг учир эрчим хүчний хэмнэлттэй бараа бүтээгдэхүүнээр сольж, сайжруулах хэрэгтэй юм. Тухайлбал, керамик индукцийн зуух нь уламжлалт тогооноос илүү эрчим хүчний хэмнэлттэй.

АНУ-д бол Эрчим хүчний яамнаас нь тухайн төхөөрөмж, хэрэгслийг эрчим хүчинд хэмнэлттэй эсэхийг туршиж үзээд "Energy star" гэрчилгээг олгодог. Өөрөөр хэлбэл, тухайн бараа, бүтээгдэхүүн "Energy star" тэмдэгтэй байвал эрчим хүчинд хэмнэлттэй гэсэн үг юм. Энэ мэт эрчим хүчний хэмнэлттэй гэсэн өөр ямар нэгэн лого байгаа эсэхийг шалгаарай.

Компьютерын эрчим хүчний хэрэглээг оновчтой болго. Орчин үеийн компьютерт эрчим хүчний хэмнэлт хийхийн тулд BIOS-ийн тохиргооны хуудас болон “Windows Operating system”-ийг суулгаж болно.

Нарны хавтанг суурилуулах. Нарны хавтанг суулгах нь 88 мод тарьсантай ижил юм. Үүнийг худалдан авахад их хэмжээний зардал гарах боловч урт хугацааны турш түүнээс хэд дахин их хэмнэлтийг хийсэн байх болно.

ХАЛААЛТ БА ХӨРГӨЛТ

Халуун усныхаа хэрэглээг багасгах

Халуун ус их хэмжээний цахилгаан шаарддаг. Хэрэв шороотой хувцас биш л бол халуун ус хэрэглэх шаардлагагүй. Халуун ус таны хувцсыг илүү хурдан муутгадаг шүү дээ. Мөн халуун ус хэрэглэх шаардлагагүй аяга тавгийг хүйтэн усаар угаагаарай.

Угаалгын шүршүүрээ соль. АНУ-ын Байгаль орчныг хамгаалах агентлагийн “Water Sense” шошго бүхий стандартын шүршүүрийн толгой нь хамгийн өндөр үр дүнтэй цахилгаан хэмнэдэг гэжээ.

Өвлийн улиралд халаалтаа бага температурт тохируулах. Бага градуст барих нь их хэмжээний мөнгө хэмнэж чадна.

Цонх, хаалгаа битүүмжлэх. Дулаан алдагдлаас сэргийлэхийн тулд цонх, хаалганд зай завсар гарсан бол түүнийг битүүмжлээрэй.

Агааржуулагчаас зайлсхий. Өрөөг халаахаас илүү хөргөхөд 3 дахин их эрчим хүч шаардагдаг байна. Агааржуулагчийн оронд үзүүлсэн сэнс ашиглаарай.

Хөргөгч, хөлдөөгчийн температурыг тохируулах. Хөргөгчөө паар болон нарны гэрэл тусах газраас хол аль болох гэрийнхээ хүйтэн газар, ханын гадаргуугаас 5см-ээс багагүй зайд байрлуулна. Тохируулга хийхдээ температур нь 7°C, хөлдөөгч нь -18°C байхад л хангалттай.

Үүний зэрэгцээ хөргөгчөө цэвэрлэж, эмх цэгцтэй байлгаснаар авах хүнсээ хурдан авч, хаалгыг нь байнга онгойлгохгүй байх хэрэгтэй.